Қазақстан Республикасының Мәдениет және спорт министрлігі мен ҚР Ұлттық музейі кәсіби және кәсіби емес суретшілер арасында «Ұлттың ұлы ұстындары» атты республикалық шығармашылық конкурс жариялайды.
Конкурс 25 қыркүйек – 25 қазан аралығында өтеді, өтінімдерді қабылдау 4 аталым бойынша жүреді:
1. Мектепке дейінгі мекемелерге арналған образдар;
2. Бастауыш сыныптарға арналған образдар (1-4 сыныптар);
3. Орта және жоғары сынып оқушыларына арналған образдар (5-11 сыныптар);
4. Интерьер мен экстерьерге арналған жалпы тақырыптар: қабырға кескіндемесі, мурал, билборд (барлық жас ерекшеліктерін қамтиды).
Әр аталым бойынша жүлде қоры:
Бас жүлде – 500 000 теңге
1 орын – 300 000 теңге
2 орын – 200 000 теңге
3 орын – 100 000 теңге
Конкурсқа осыған дейін жарияланбаған және іске асырылмаған шығармашылық жұмыстар (жобалар) жіберіледі, сондай-ақ бір автордан бір жоба және бір өтінім қабылданады.
Конкурс нәтижесінде Ұлттық музейде Республика күніне арналған көрме ұйымдастырылып, сондай-ақ «Ұлттың ұлы ұстындары» республикалық шығармашылық конкурсының қазылар алқасының іріктеген шығармашылық жұмыстардың каталогы басып шығарылады.
Конкурс туралы толық ақпарат пен ережесінмына жерденжүктеп алыңыз.
