13 қыркүйек күні Ұлттық музейде Шаңырақ жобасы аясында «Отбасы – қастерлі ұғым» атты музейлік танымдық сабағы өтті.
Сабаққа «Қара шаңырақ» ұлттық тәрбие беру жобасының авторы, Қазақстан халқы Ассамблеясының Астана қаласы Аналар кеңесінің мүшесі, Отбасы, әйелдер және балалардың құқықтарын қорғау мәселелері жөніндегі өңірлік кеңес мүшесі Тұрар Шәкен мен «Кемеңгеровтар отбасылық аспаптар ансамблін» құрушы, Бүкілодақтық халық шығармашылығы фестивалінің екі мәрте лауреаты, ұстаз Ризабек Кемеңгеров қатысты.
Сабақ барысында ҚР Ұлттық музейі экскурсия бөлімінің методисі, Мәдениет саласының үздігі Айгүл Рахтаева отбасы, тәрбие жөнінде өз ойларын ортаға салып, ақжарма лебіздерін білдіріп, балалар мен ата-аналардың сұрақтарына жауап берді. Ризабек Нарманбетұлы өзінің шығарған «Алаш жолы» күйін мандалинада орындады.
Сабақ соңында оқушылар жұмбақ-әңгімені шешіп, әке-ана туралы әндерді айтты.
Балалар мен ата-аналар сабақтан үлкен әсер алып, көңілді тарқасты.
