Бүгін, 2023 жылдың 5 маусым күні, Қазақстан Республикасы Ұлттық музейі мен Астана қаласы әкімдігінің Еркеғали Рахмадиев атындағы Мемлекеттік академиялық филармониясының меморандумға қол қою рәсімі өтті.

Кездесу барысында мекеме басшылары әріптестіктің осы күнге дейін жемісті болғанын және аталмыш меморандум екіжақты қарым-қатынастың жаңа кезеңіне жол ашатынын атап өтті. Болашақта ортақ жобалардың көбейіп, қарым-қатынастың үдей түсетіні сөзсіз.

ҚР Ұлттық музейі директорының міндетін атқарушы Айбек Сыдыков Астана қаласы әкімдігінің Е. Рахмадиев атындағы Мемлекеттік академиялық филармониясының бас директоры Ерлан Дакеновке «Музейлер түні» кезінде көрсетілген қолғабыс үшін рахметін айтып, Алғыс хат табыстады.