«Ұлттың ұлы ұстындары» жүлдегерлері марапатталды

Ұлттық музейде «Ұлттың ұлы ұстындары» атты республикалық байқауының марапаттау кеші өтті.

25 қазан - Республика күніне орайластырылған конкурсқа ҚР Мәдениет және спорт министрлігі мен ҚР Ұлттық музейі ұйытқы болды.

Айта кетейік, конкурс 25 қыркүйек – 25 қазан аралығында өтіп, өтінімдер 4 аталым бойынша осы уақытқа дейін жарияланбаған және іске асырылмаған шығармашылық жұмыстар жіберіліп, сондай-ақ бір автордан бір жоба және бір өтінім қабылданды.

Нәтижесінде республиканың түкпір-түкпірінен 54 жұмыс келіп түсті. Көптен күткен байқаудың қорытынды марапаттау кешінде төмендегі жеңімпаздар марапатталды.

«Мектепке дейінгі мекемелерге арналған образдар» аталымы:
Бас жүлде – Төребаева Күләш «Наурыз. Көшу»;
1 орын – Лаптева-Тулешова Камиля «Қаңбақ шал»;
2 орын – Өмірзақ Айнұр «Менің қобызым»;
3 орын – Сәрсенбаева Сымбат «Тайбурыл».

«Бастауыш сыныптарға арналған образдар» аталымы:
Бас жүлде – Қанкелді-Калимова Толқын «Көктем лебі»;
1 орын – Қалиев Данияр «Аялдама»;
2 орын – Әкімбек Ардақ «Сәкен»;
3 орын – Бауырқан Жалын «Жаңа қоныс».

«Орта және жоғары сынып оқушыларына арналған образдар» аталымы:
Бас жүлде – Қожахан Шырын «Сөнбес үміт»;
1 орын – Аманбаев Манатбек «Меч Аттилы»;
2 орын – Алинов Аман «Голодомор»;
3 орын – Айт Бұлбұл Ақанқызы «Алып әке».

«Интерьер мен экстерьерге арналған жалпы тақырыптар: қабырға кескіндемесі, мурал, билборд» аталымы:
Бас жүлде – Табысбек Толқын «Сахара»;
1 орын – Сапаралиева Рахат «Тараз-Ғұмырдария»;
2 орын – Ысқақбек Серікжан «Алтын орда - Бату хан»;
3 орын – Найзабеков Бақытбай «Қорқыт ата».

Байқауға келіп түскен Ұлы Даланың сан-қатпарларын суреттеген, ұлы тұлғалардың портреттері бейнеленген суреттер бірінен бірі өтеді. Әртүрлі әдіспен әспеттелген өнер туындыларының арасынан оқ бойы озып шыққандардың бірі - сурет өнерінде ұлттық калоритті бейнелейтін көптеген өнер туындыларын тудырған талантты суретші Толқын Табысбек байқаудың әділ өткендегін, қазіргі таңда осындай жобалар көптеп ұйымдастырылса деген тілегін де жеткізді.

- Барлық қатысушылар өз деңгейінде керемет жобаларын ұсынған екен. Мен байқауға "Сахара" атты туындымды ұсындым. Осындай игі іс шараны ұйымдастырушыларға алғысымды айтқым келеді. Мұндай ұлттық құндылықтарымызды насихаттайтын шаралар өз жалғасын таба берсін,- дейді ол.