Қазақстан Ұлттық музейінің директоры Берік Әбдіғалиұлы мен Қытай Халық Республикасының Баоцзи қаласындағы Қола дәуірі музейінің директоры Бянь Яни өзара түсіністік пен ынтымақтастық туралы меморандумға қол қойды.

Бұл келісім – мәдени мұраны сақтау, көрмелер ұйымдастыру, ғылыми-зерттеу жұмыстарын дамыту және тәжірибе алмасу салаларындағы екіжақты серіктестіктің жаңа кезеңін бастайды.

Салтанатты рәсім аясында Қытай тарапы қазақстандық музейге «Қола Алтын адаммен кездеседі» атты көркем туындыны тарту етті. Бұл сыйлық – қос халықтың бай тарихи-мәдени мұрасының үндестігін білдіреді.

Рәсім соңында делегация мүшелері Ұлттық музей залдарын аралап, еліміздің мәдени құндылықтарымен жақын танысты.